Bawipa in hmu tthan ning ti ka hei duh dah

Maw Bawipa na rian ka ttuanmi hnak in Nangmah kan duh deuh... Ka comi thluachuah vialte hnak in Bawipa kan duh deuh.. Bawipa Nangmah kan tlaihchanbik.. Maw Bawipa zeidang vialte hnak in Nangmah kan thim cem... Maw Bawipa rawl thaw hnak in Nangmah kan duh deuh... Rawl hi nunnak asi lo Nunnak cu ka Bawipa Jesuh Khrih Nangmah hi na si... Maw Bawipa kan duh in kan tlaihchan ko ka ti tikah hin ka kaa lawng si loin ka thinlung le ka nunnak zong nih a chimchih cu na hngalh ko ee..

Maw Bawipa kan duh in kan dawt taktak ve ko... Zumhawktlak le na nawl a ngaimi siseh ti na ka duhmi nih hin lung tthawnnak an ka pek ko nain ka ruah lengmang, ka tuak lengmang tikah hin a ka lawmhtertu cem le hnangamnak tling a ka petu hna hi ka tuahmi thilttha ruangah si loin ka ca i a nunnak pekin a thi i a tho tthanmi ka Bawipa Jesuh Khrih lawng hi asi... Lung lawmhnak tling le hnangamnak tling vialte hna hi keimah tuahmi ruangah si loin Bawipa Nangmah nih na rak ka tuahpiak dih cangmi ruangah hin asi hrimhrim ko.. Na ka tuahpiak cang timi lawng hmanh si loin a ngeih in kaa ngeihmi le a co in ka co cangmi Nunnak hi ka lung lawmhnak tlintertu cu an si. Kei ka lung lawmhnak cu Bawipa Jesuh Nangmah lawnglawng hi na si ko. Na si hrimhrim ko i na si zungzal ko.... Na si peng fawn lai. Amen!

Maw Bawipa kan dawttuk le kan duh tuk, kan tlaihchan tuknak hi ka nupi nih hmu sehlaw ka fale nih ka nawl i cawng ko hna seh.. Ka miphun caah thluachuah si ve sehlaw vawlei pumpi caah na tehte ka sinak alanghtertu si hram ko seh... Aw ka nunnak ngeitu maw Bawipa, ka khamhtu aw David nih hmunthiang ah hin in hmuh ning law ka duh taktak a ti bang hin hmuh ve tthan le tong ve tthan cu kan duh taktak, Na sunparnak le na lianngannak he hin thukchin in inhmu tthan zungzal ko ning ti cu ka saduh thah nganbik cem asi zungzal ko... Maw Bawipa ka kaa in kan dawt tuk, kan tlaihchan tuk tinak tiang lawng si loin Nangmah zong nih zeitluk thuk in dah na ka dawtnak hi thukchin in na Thiang Thlarau riantuan le Bawipa Jesuh Nangmah he i hawikomhnak in caanttha ka hmanpi hram ko... Kan nun chungah hin ka duh pengmi le ka duh zungzal lai mi cu kaa in si loin le keimah lawng in si loin Bawipa Nangmah he kan pahnih in hawikomhnak tling ngeih hi ka duh zungzal mi le ka duhchin lengmang mi a si... Ka nunnak dihlak in kan duh i kan dawt ko maw Bawipa..Amen. Maw Bawipa keimah lawng si loin Nangmah he i hawikomh zungzal hi ka duhcemmi asi i Nangmah zong nih na ka duhpiak cemmi asi lai ka zumh ko.....
——
SALM 63:2
Hmunthiang ah cun in hmu ning law zeitluk in dah na lianhngan le na sunpar kha in hngal ning, ti ka duh.