Ka chuah hlan in na ca uk chungah na ka khumh diam cang

  1. Maw ka Pathian, Ka chuah hlan in na rak ka hmuh diam cang, na rak ka thim diam cang, ka min cu na ca uk chungah khumh le ttial an rak si diam cang.
  2. Ka ca i na sermi ni hna cu na cauk chungah an i khumh diam cang. Ka tuah lai dingmi thil vialte hna caah ni le thla na rak serpiak dih cang hna i Zei caan dah ka nun lai i zei tindah na sinah ka rat te lai mi hna zong hi na cauk chungah an rak i ttial dih cang.
  3. Ka ca i na sermi ni hna an phanh hlan le ka tuah ttuan dingmi vialte hna cu hram hmanh an i thok hlan in na cauk chungah na rak i ttial diam cang hna.
  4. Ka Pa na cauk chungah ka min ttial asi cangmi le zeihmanh ka tuah hlan le hram ka thok hlan in ka tuah dingmi vialte na cauk chungah na tial dih cangmi ka theihmi nih hin lungtthawnnak nganpi a kan pek. A caan a phanh tikah Nangmah tthawnnak he na ka fialmi rian vialte cu lim an si hrimhrim lai ti an fiangrer tuk hna ee.
  5. Paul nih tlik zuamnak ah a dongh tiang khitkhet in ka tli cang a timi bangin Bawipa fialmi rian hi a dongh tiang khitkhet in ka lim khawhnak cu keimah ruangah si hin loin na rak ttialcia mi le na cauk chungah na rak khumh cangmi thawngin lim dih an si lai timi ka hngalhnak nih hin raltthatnak tampi an ka pek... Ka Bawipa le ka Pathian nih sunparnak le upatnak vialte co zungzal ko seh.

—-
SALM 139:16
Ka chuah hlan in na rak ka hmuh diam cang. Ka ca i na sermi ni hna cu na cauk chungah an rak i khumh diam cang, hram an i thawk hlan hmanh khan an i ṭial diam cang.