Keimah lawngin ti ahcun

Bawipa thawngin ka unau asimi Nangmah sinah ka lungah a um ngaingai mi Paul bia hi i ruahtti usih ti ka duh. Rak ka ruahpi ve law na hmuhning zong rak ka chim ve te muh.

Paul nih a chimmi bia hi minung tampi nih kan tthannak ah hmang loin kan derthawnnak bawmtu ah kan hman tawn. Cu kan hmanmi bia cu hi hi asi: Keimah lawngin tiah cun kan thinlung lawngin Pathian nawl cu ka zul kho i ka minung sining tu nih cun sualnak phung a zul ko timi hi asi. Ahman taktakmi a ttial ko nain Baibal kan rel le ka theih tikah hin kanmah duhnak lawng kan rak zoh tawn caah asi. Paul nih a chimmi ah a biapi ngaiin kan hmuhpi lomi cu KEIMAH LAWNGIN TIAH CUN timi hi asi: Keimah lawng a timi ah hin Khrih Thlarau ai tello tihi langhter ka duhmi cu asi. Minung paohpaoh hi kanmah lawngin cun sualnak phung kan zul dih cio ko. Paul lawng si loin minung paohpaoh hi sualnak phung chungah kan um dih ko ti hi van nawlh ka duh.

Sihmanhsehlaw Paul nih a chim tthan mi cu tthawnnak a ka petu Khrih thawngin zeizong vialte hi ka tuah khawh dih ko hna tihi asi. Ka chim duhbikmi cu minung kan thlarau le Khrih Thlarau ai peh ahcun zeizing vialte hi tuah khotu kan si dih ko ti hi ka chim duhmi cu asi. Kan lung lawng si ti loin Khrih kan chung i a ummi tthawnnak he cun zeizong vialte tuah khotu lakah tuah kho biktu ah Bawipa Thlarau nih a kan hman ko tihi thazang pek kan duhmi le hrawmh kan duhmi cu asi.. Amen..
—-
ROM 7:25
Pathian cu lawm ko u sih. Cucaah ka sining cu hihi a si ko: keimah lawngin ti ahcun, ka lung lawng in Pathian nawl cu ka zulh khawh, ka minung sining tu cu sualnak phung kha a zul ko.
FILIPI 4:13
Ṭhawnnak a ka petu Khrih thawngin thil zeipaoh ka tuah khawh ko hna.