Pum cu thlarau loin a thi ti a sullam cu Pathian nih thaw a kan chuah hnawhmi le Amah he loin sermi kan thlarau a um loah cun kan thi i minung cu thaw kan chuah loah cun kan thi ko, cu thaw cu Pathian a rak kan serka i a thaw a rak kan chuah hnawhmi te kha asi. Cu ve bangin cu kan thlarau cu Khrih Thlarau he an i peh lawngah Khamh kan si i Nunnak kan ngei. Aruang cu Adam thok in satan tangah le thihnak nih nenhchihmi kan si cang, (kan thlarau kalnak lam cu hell arak si ko)! Cu hell kalnak lam in a kan luattertu cu Jesuh Khrih asi. Amen!
Zumhnak cu tuahnak tello cun a thi ti sullam cu zumhnak nih Thiang Thlarau a hrin i cu Thlarau cu rian a tuan zungzal mi asi. Thiang Thlarau cu anung i a cawlmi asi caah a nung taktak mi zumhnak na ngeih ah cun tuah tuanlo in um khawh asi lo. Ka zumh na ti ve ko nain chunglei in fialmi le bia na theih lo i na zumh hlan le zumh hnu zong i nangmah ning tein na si ko ahcun Thiang Thlarau na ngeihlo bia asi i Thiang Thlarau tello in zumtu si cu pakpalawng asi ko! Cucaah pei Jesuh nih kan thihtak hna lai ka ti caah nan ngeih a chia, nu nih nau nganfah a tuar i a hrum ai bantukin nan hrum ai sihmanhsehlaw naute a hmuh i a pom tikah a ngahfahnak vialte cu a philh dih i lawmhnak in a khat a ti bangin Jesuh Khrih cu Thiang Thlarau in kan chungah kan ngeih i kan hmuh tikah lawmhnak in kan khahnak le hnangamnak in kan khahnak cu asi! Amen! Cucaah Jesuh nih Thiang Thlarau in nan chung i ka um caah ttih hlah uh! vawlei cu ka tei cang, vawlei nih harnak, lungre theihnak, sual ruangah i phu hrunnak vialte an pekmi hna cungah Keimah he Thlarau in pakhat kan si cang caah teitu lak ah teitu cem nan si a timi bia nih hin in lawmhter ko hna seh. Amen! Jesuh Khrih he a kan tthen khotu ding hi zeibantuk sualnak le thihnak le tthen khotu vawleiah zeihmanh a um loh. Halleluijah. Amen!
Zumhnak in Khamh kan si i Khamh kan si cang ti kan i hngalhnak cu Thiang Thlarau kan chung i pek kan simi hin asi. Amen! Cu Thiang Thlarau cu mikip thinlung ah aum zungzal mi le a nung zungzalmi, a cawl zungzalmi, rian a tuan zungzalmi le tthawnnak in a khatmi JESUH KHRIH asi. Amen! Bawipa nih sunparnak co ko seh! THIANG THLARAU NAN CHUNGAH NUNG VE CANG KO SEH!
JEIM 2:26
Cucaah cun pum cu thlarau loin a thih bantukin zumhnak zong tuahnak loin a thi ve.