Bread of Life

Lorem ipsum dolor sit amet, consectetur adipiscing elit ellentesque at neque ac sem pretium.
  • What is my calling (zeidah ka rian asi)?

    Vawlei cung minung vialte nih hin zeicaah dah hi vawlei ah hin ka rak chuah ve hnga i zei tuah awk ah le zei rian lim ve dingah dah ka rak chuah ve hnga tihi rak i hngalh cio usihlaw vawlei kan nun chung caah zeitlukin dah thluachuah kan i copi cio hnga i Bawipa sin ka va phanh tik ca zongah lawmh awk ava si hnga. Biatak cu minung vialte hi Pathian nih tinhpiakmi le fialmi rian a kan ngeih cio ko nain Pathian nih a kan fialmi rian hngalh loin le hngalh ko bu zongah rianlim loin vawlei a kaltakmi tampi an um ko.

    Read More
  • Thiang thlarau he hawikomhnak lawng in hmuh zungzal khawhmi

    Ka Pa ka nunnak dihlak le atu ka sining taktak in ca ka ṭial. Ka Pa kan dawt deuhdeuh i kan duhnak angan chinchin, Nangmah loin cun ka thi sual lai ti hna ka phang. Biatak cu lawmhnak taktak le hnangamnak taktak hi Nangmah bak lawnglawng na si i Nangmah sin lawng in hmuh khawhmi le Nangmah he hawikomhnak lawngin hmuh zungzal khawhmi asi. Ka thinlung le ka nunnak taktak i  a ummi cu Nangmah kong lawng hngalh hi si ti loin Nangmah hrimhrim hngalh le umṭi zungzal hi asi.

    Read More
  • Thiang thlarau na chungah a um le umlo hngalhnak

    David Siangpahrang nih Bethshaba he sualnak atuahmi ruangah ngaihchihnak le ngaihthiam halnak in Pathian sinah thla acammi phunhnih a um i cucu “Na Umnak Hmun In Ka Thawl hlah”, timi le “Na Thiang Thlarau Kha Ka Lakkanh hlah”, timi hi asi. Thiang Thlarau hi biakamhlun tein minung chungah hmunhma arak lai ve ko hi ta timi hmuhkhawh asi. Tuni ah fak deuh in ruat ve law ti ka duhmi cu “Na Thiang Thlarau Ka Lakkanh Hlah”, timi asi.

    Read More
  • Thiang thlarau na hngal taktak maw?

    Nihin ah ka unau taktak asimi nangmah sinah atu lio ka thinlung ah Thiang Thlarau nih a chiahmi bia hi ca in ka rak in kuat. Cucu “Thiang Thlarau na hngal taktak maw?” timi hi asi. Thuk deuh in van i ruat law Thiang Thlarau hi na hngalh taktak ve maw? Thiang Thlarau hi mi nih chimmi, Baibal na relmi theihnak tiang lawngin akong na theihmi in cun hngalhnak cu na phan hrimhrim lai lo. Nangmah nih Thiang Thlarau he nai ton lawngah le na chungah a um lawngah na hngalh taktak dingmi asi. Ka nawl rih tuah lai: Thiang Thlarau hi nangmah pumpak bak in na ton in na hngal maw?

    Read More
  • Kutkaa bitnak thim timi cu

    Saya Van Ram Uk nih kan Khrihfabu ah Thawngtha a kan chimmi cu ka lung atling tuk. Atak in nunpi khawhnak Bawipa nih lam a ka hruai lai. Thawngtha nan theihmi hi atak in nunpi dingah rak ngai ve cang. Tuni ah zei lam dah naa thim ve cang lai timi biahalnak he ka rak in leng. Thim dingmi hna cu:

    Read More
  • Pathian rianṭuantu (the servant of god)

    Vawlei minung vialte nih hin pumpak pawcamnak caah rianṭuan, innchung caah rianṭuan, nu le pa, unau caah rianṭuan timi hi cu kan pemhtuk i vawlei adongh tiang kan ṭuan ko lai. Sihmanhsehlaw miphun le ram caah ṭuan timi le midang caah (Pathian rian) ṭuan timi tu hi cu kan i harh ngaingai rih ko lai. Ram le miphun caah, Pathian caah, midang caah ka ṭuan atimi hmanh nih adonghnak ahcun anmah miaknak le ṭhatnak caah an rak si dih ko hna. Vawlei cung minung vialte nih hin pum pawcamnak lawngte kan ruat zungzal nain Pathian lungton le lawmhter lei hi cu kan zuanhnawh duh bak lo.

    Read More
  • Pathian maw na ṭih? zeidang dah na ṭih rih lai?

    Minung tampi kan cungah Pathian sunparnak le ṭhawnnak alangh khawhlonak aruangbik cu Pathian tu ṭihlo in kan ṭihmi adang an tamtuk caah asi. Kan ṭihmi hna cu sifahnak, harnak, buainak, coronavirus le damlonak, bill pek khawhlonak, thihnak, hnahnawhnak, tlamtlin lonak, eiawk ngeilonak, min chiatnak, sunghnak, umnak ngeihlonak tiin phun tampi kan ṭihmi hna ruangah hin Pathian sunparnak le ṭhawnnak kan cungah an phan khawhlonak asi.

    Read More
  • Ka hrintthan cang ati nain sualnak atuahmi hna he cun

    Vawlei cung hmunzakip ah a ummi ka miphun sinah anung taktakmi le atthawng taktakmi Nunnak Petu Thawngtha asimi Jesuh Khrih thawngtha kan hrawmh hna. Nai hrawng cu thawngtha tling kan hrawmh lonak hna asau ngai cang. Biatak cu ttial luaimainak hin teinak le miaknak kan hmuhnak rak si loin Bawipa he hawikomhnak thukpi kan ngeihnak lawnglawng hin teinak le miaknak in tthawnnak tling kan rak hmuhnak arak si deuh. Ka miphun sinah le Pathian ka daw ve ko atimi tampi nan sinah fakpi in chim le ttial ka duhmi cu Thiang Thlarau he hawikomhnak na ngei bal maw? tihi asi.

    Read More
  • Thiang thlarau he hawikomhnak na ngei bal maw?

    Nihin zumtu tampi hi Thiang Thlarau he hawikomhnak na ngei bal maw tiah bia in hal hna ning law zeitindah nan ka leh ve hnga? Biatak cu hawikomhnak hi Baibal ka rel, thla ka cam, rawl ka ulh, kaa pum lengmang timi tuahnak tiang lawngin si loin a tak in nangmah le Thiang Thlarau he umttinak le hawikomhnak  ngeihtti tu hi ka chim duhmi asi. Hawikomhnak ka ti tikah kanmah lawng si loin Thiang Thlarau he thlacamnak in umtti le hawikomhnak ngeihtti khi ka chim duhmi asi. Hawikom ka ngei na ti tikah na ngeihmi na hawikomh khi na chim duh taktakmi asi cu na hngalh hrimhrim ko..

    Read More
  • Thiang thlarau na ngei cang maw?

    Naihrawng khua ka ruahmi cu Thiang Thlarau nih hin aluanciami kan kong chim hi maw a lawmh deuh hnga? Ara laimi kong chim dah a lawmh deuh hnga tihi ka ruat. Biatak cu an pahnih in an herhnak a um veve ko lai cu ka zumh ko nain kan tuahciami tuanbia lawng chimh si ti loin ruahchannak tampi kan ngeih khawhnak hnga a ra lai dingmi a kan chimhnak tu nih hin raltthatnak le lawmhnak tling a kan pek hrimhrim lai. Amen. Nang na chungah aummi Thiang Thlarau hi mawh an phurhtu le na tuahciami tuanbia an hngalhter tthan lengmang tu lawng maw asi? Na hmailei kong an tinhpiakmi an chimtu dah asi ve?

    Read More
  • Pathian nih pekmi thlarau le jesuh nih toihmi thlarau

    Minung tampi nih hin kan kaa in cun Thiang Thlarau ti chim hi cu kan thiam ngaiin ka thei. Amah belte pumpak cio in Thiang Thlarau he tonnak le hawikomhnak tiang kan phan cio maw timi van i hal ahcun chim awk kan ngei cio hnga dek maw? Tu ni ah chim ka duhmi cu mi nih chimmi Thiang Thlarau si loin mah nih tonmi le hawikomhnak ngeih ve cangmi Thiang Thlarau tu hi rak chim ve cang law ti ka duh. Mi zei hmanh Pathian Fapa, Jesuh Khrih a zummi vialte cu Pathian nih a Fa sinak cohlannak ah Thiang Thlarau toih kan si timi cu kan theih cio lai dah.

    Read More
  • Innbawi nih hmantlak, hman zungzalmi ka si tiang, adongh tiang hrimhrim ka tli lai

    Ni le caan, zarh le thla, kum hna cu tlaih khawh loin an liam cuahmah. Minung kan duh herhmi zong nih dinh ve lo in an karh cuahmah ve. Pathian duhnak in Pathian tinhpiakmi rian kan i thim tikah pumpak caah siseh innchungkhar caah siseh cingla sahlawh rualchan caah siseh theihthiamnak tampi an tlau cuahmah nain Bawipa zangfahnak a dong ballomi nih dawtnak le lawmhnak aluanter tthan zau lai. Culawng hmanh si loin innchungkhar nih chambaunak a ngeihmi an um len lai nain Bawipa duhnak nai thimmi asi ko ahcun lunglawmhnak na cungah a phan zungzal ko lai.

    Read More
  • Bawipa ttihzah kan timi hi zeidah a si!

    Pathian bia hi ai chaang tete in kan zoh tikah hin sullam an ngei tuk. Bawipa ttih cu fimnak hramthoknak le fimnak hram asi i hngalhnak ngeih kan timi zong hi tthatlonak hrial hi asi. Ka van duh tukmi cu Bawipa ttihzah cu sual huat hi asi! Amen! Zei tindah Bawipa hi kan ttihzah lai i upat kan pek lai ti hi minung tampi nih kan ruah cio theo lai dah. Thiang Thlarau kan chungah a um lo cun zeitindah sual cu kan huat khaw lai? Jesuh Khrih kan zumh lo cun zeitindah Thing Thlarau cu kan chungah a um khawh lai?

    Read More
  • Zei tluk thuk in dah thiang thlarau he hawikomhnak na ngeih cang?

    Zumtu tampi nih hin a zei cem hi dah kan i lawmh cemmi le kan i buaipi cemmi cio hi asi hnga ti hi ka ruat tawn! Pathian nih a hmanmi Thlarau fale bia hi maw kan i lawmhpi zungzal in kan ceih khim cio ko hnga? Kanmah leiin teh chim awk zeital kan ngei ve cang awk asi hnga lo maw? Biatak asimi Jesuh Khrih kan zumhmi Pa hi a zultu hna nih thihnak in a thawh hnu zongah an hmuh lawng si loin a tongh tiang hmanh in an rak tongh asi lo ma? Zumnak in Thiang Thlarau kan co hnu ah hin zei hi hme kan buai hnawh cemmi hi an si. Amah he umtti, nuntti le a aw theih hi a si awk a si hnga lo maw?

    Read More
  • Thlichia le tilet hmanh nih anawl an ngaihmi pa hi hodah asi?

    Nihin Thawngtha hrawmh kan duhmi hna cu zeizong vialte nih anawl an ngaihmi Pa hi ahodah asi timi hi asi. Jesuh Khrih le kan Pathian, Thiang Thlarau hna hi voi tampi cu zeidah an tuah khawh timi le thilti khawh tthawnnak vialte an ngei timi hi ka rak zumh tuk i ka rak i bochan zungzal hna. Cucu apalh maw tiah cun a palhlo nain annawl ngai ding lei hi cu voi tampi ka rak fianglo i ka fiang ko ka ti hmanh ah pemhnak tiang cu ka rak phan kho lo.

    Read More
  • Bawipa lung atongmi sual ngaihchihnak

    Hmunzakip ah aummi ka miphun vialte hna Bawipa kawlduhnak hi nan thinlung chungah Thiang Thlarau nih inkhahter cio hram ko hna seh. Kawl zungzal cem dingmi hi zeidang si loin Bawipa kan hmuh i kan i hawikomh zungzal tiang hi kan kawlcem ding arak si. Nangteh an khamhtu na Bawipa hi na tong bal maw? Na hmu bal maw? Hawikomhnak nan ngei bal maw? Biatak cu Bawipa Jesuh Khrih he nai Na ton ve taktak tik lawngah na hngalh dih te lai, a tu lioah ka theih in ka fian ko i ka hngalh ko tiah na ruahmi hi na hngalh taktak mi le na pemh cangmi si loin fiannak tiang lawng na phanhmi an si kho men.

    Read More