Minung vialte nih hin ruahchannak ngei in nung zungzal ding hi Bawipa nih a kan duhpiakmi asi. Ruahchannak angeitilomi paoh cu lungdonghnak in an caan an hmang tawn.. Ruahchannak tling taktak ngeihkhawh zungzalnak ding ahcun Bawipa nih an tinhpiakmi le an fialmi rian na hngalhnak hin asi zungzal lai.. Jesuh Khrih nih Kei ka rawl thawbikmi cu Pathian duhnak tuah le fialmi rianlim hi asi ati. Bawipa nih an fialmi rianlim le duhnak zulh lawng hi lawmhnak tling taktak le ruahhannak taktak cu asi.
Nifate zeibantuk ruahchannak ngei in dah na nun? Vawlei thilri ruahchannak ngei in na nun ahcun na thillung le na ruahnak hi Bawipa ta asi lo timi cu afiang. Sihmanhsehlaw na thinlung le na ruahnak hi Thlarau duhnak nih auk ahcun zungzal nunnak asi ko.. Na thinlung le na ruahnak hi Thlarau nih auk ahcun naa ruahchannak nganbikmi hi Bawipa duhnak zulh le fialmi rianlim asi ko lai. Na thinlung le na ruahnak nih Bawipa duhnak zulh le fialmi rianlim hi naa ruahchanbikmi asi ko ahcun naa lawmhnak bik cu naa ruahchanmi Bawipa cungah asi zungzal ko lai..
Zei ruahchannak in dah na nun taktak? Kei kaa ruahchanbikmi cu Bawipa he um ṭi le hawikomh, Amah hngalhchin lengmang hi asi ko.. Paul nih Bawipa nih a ka fialmi rian ka lim ahcun ka nun hi zeihmanh ah ka relloh ati bangin Bawipa nih a kan fialmi rian kan lim ding hi kaa ruahchanbikmi cu asi ko... Bawipa fialmi rianlim le Bawipa lawmhternak asunglawimi le lawmh aummi hi aum ti lo....
Zan ahung phan i ka ihhlan i thla ka cam ah siseh ka ih hnu i mang ka manh lai dingmi siseh kaa ruahchan cemmi cu Bawipa he ton le hawikomhnak ngeih le zeibantuk mang in dah bia a ka ruah hnga timi hi asi. Cubantuk ṭhiamṭhiam in zinglei ka thawhbak in ka ruahchanmi cu tuni thla ka cam lai i Thiang Thlarau he hawikomhnak ka ngei lai i zei bia dah a ka ruah hnga timi hi kaa ruahchan cemmi asi.. Kaa ruahchan zungzalmi cu thildang hi silo in Bawipa Nangmah lawnglawng hi na si..... Bawipa nih zeibia dah a ka ruah lai timi hnak hmanh in Thiang Thlarau he hawikomhnak ngeih lengmang le Bawipa he ton hi kaa ruahchan chinchin mi asi... Kaa ruahchan cemmi cu Thiang Thlarau hngalhchin lengmang, Bawipa Jesuh Khrih hngalhchin lengmang hi asi..
Ruanchannak ka ngeihmi zungzal cu Bawipa he hawikomh le Amah hngalhchin le fialmi rianlimnak he aduhnak zulh hi asi.. Bawipa he hawikomhnak tling lawng in fialmi rian hngalhkhawhnak le fialmi rianlimnak in aduhnak zulhkhawhnak aum... 1 Korin 13:13