Nihin Khrihfa ai timi tampi hi lungthlennak um lo bakin Khrihfa ka si aitimi le ka Hrinthan a timi tampi kan um. Lungthlennak um loin cun Thawntha chimtu caah siseh ngaitu caah siseh kan au lengmang mi le caan kan pek lengmangmi hi sullam a ngeih hnga hme maw? Paul nih Rome khuami hna sinah ca kuat a ttialmi cu Thawngtha asimi Jesuh Khrih kong ka chimnak ah Jentailmi hna sinah lungthlennak a um bantukin Rome khua zongah lungthlenmi umter ve cu ka duh hringhran tiah ati. Nihin Thawngtha chimtu le ngaitu hna nih hin kan i ruahchih dingah a biapi tukmi cu Nunnak Bia Thawngtha chungah hin lungthlennak le tthawnnak hleiah teinak a um ti hi kan hngalh zungzal awk asi. Thawngtha asimi Jesuh Khrih ruangah lungthlennak cu a hmun i a chunglei in a tthalomi kha kirhnawh a duh ti hrimhrim lo, a taksa nih a hlamcan hmanh ah Bawmtu Thiang Thlarau tthawnnak thawngin a tei khawh ko.
Paul nih cun Rome khuami hna sin zongah lungthlennak umter hi a saduh thah taktak asi bangin Thawngtha chimtu hna le ngaitu zong nih hin Jesuh Khrih zumhnak in mi vialte hi kan lung kan i thlennak hnga hi kan i hmuitinh bik awk asi ve. Lungthlennak umlo in Khrihfa si le ka Hrintthan ti cu pakpalawng asi ko. Na lungthlennak a umtertu cu Khrih Thisen tthawnnak in asi ahcun lungthlennak na ngeihmi hi naa let hrimhrim ti lai lo ti hi nawlhchih lengmang in chim ka duh. Khrih Thawngtha ka zumh ko na ti ko bu ah lungthlennak zeihmanh a um ve lo ahcun Khamhnak na hmu rih loh tinak asi ve ko.
JESUH KHRIH NIH A NUNNAK PEK TIANGIN A KAN TLANHNAK THISEN LE THAWNGTHA NIH HIN KAN LUNGTHIN TTHALOMI LE NUNZIA TTHALOMI TAL HI A KAN THLENG HNGA LO MAW?
ROM 1:13
Ka u le ka nau hna, hihi rak ka hngalhpiak u ti kan duh hna: nanmah tlawn hi voi tampi kaa tim tawn, sihmanhsehlaw zei nih dik a ka donh zungzal. Jentail mi a dang hna lak i lungthlengmi ka umter hna bantukin nannih lak zong i lungthlengmi umter ve cu ka duh hringhranmi a si.