Zumtu vialte hi Pathian nih kamh kan simi cu nan ka auh ahcun kan leh bak hna lai tiah a kan ti cio nain... Nangta kan Pathian na auh tikah an let ve maw? tihi hal kan duhmi asi. Nihkat cu Bawipa zangfahnak thawngin Vision pakhat chungah ka um i ka pawngkam ka zoh tikah a mui dih, khuazei ah dah ka kal lai timi hi ka theih hrimhrim lo. Cu lio ahcun ka lungthin dihlak tein ka zumhmi cu Pa pei ka ngeih kha bawmhnak hal tuah ning ka ti. Pathian ka Pa cu bawmhnak hal ding in ka au. Ka aumi zong tampi khi ka au loh, Ka aumi cu ka Pa timi te hi asi. Cu lio ahcun Pathian Ka Pa nih a ka lehmi cu hawi tihi asi. Ka fa na aw kan ngeihpiak ko. Na duhmi vialte chim law kan tuah piak lai tiah bia achim tthan kha ka theih. Cule cangka in raltthatnak in kakhat i ka duhmi le ka herhmi, ka thinlung chungah Thiang Thlarau nih a ka chiahpiakmi cu pakhat hnu pakhat in ka hal cuahmah i atak in kan Pa, Pathian nih cun ka cungah atlinter cuahmah. Ka Pa, ka Pathian hi Fapa Jesuh thawngin le Fa ah cohlang asi vemi Keimah nih ka upat i thangthatnak vialte ka pek zungzal. Nihin ah ka Thawngtha areltu vialte hna ka nunnak dihlak ka pekmi le ka dawtmi hi midang si loin ka Pathian asi zungzal timi hi keimah le keimah nih kachim lengmang ruangah si loin a ka hngalhpi tu Bawipa Jesuh Khrih le Ka Pathian, Thiang Thlarau an si zungzal caah an min lianngan chin ko seh. Nangmah hrimhrim zong na chuahka tein Pathian hi Jesuh Khrih thawngin a zummi na sinak tiang lawng si ti loin Pathian nih ka fa tiah an lehnak le an chawnhnak AW na theih ve hi a biapi tuk. Biatak cu Pathian nih ka fa timi AW na theih ve taktak lo ahcun na thih tikah na ral attha bal lai lai. Pathian kan Pa nih hin Fapa Jesuh thawngin Amah azummi vialte cu kan auh tikah leh dingin a kan hngah zungzal ko. Amen.
- Pathian nih na ka auh ahcun kan leh lai tiah a kan ti.
- Pathian nih na ka auh ahcun a nganmi thil kan chimh lai tiah a kan ti.
- Pathian nih na ka auh ahcun a thukmi thil kan chim lai tiah a kan ti.
- Pathian nih na ka auh ahcun na hngalh ballomi thil kan chim lai tiah a kan ti.
- Pathian cu kan auh cio ve ko lai tiah zumhnak ka ngei. Na auh tikah zei tindah an leh ve? A nganmi thil cu an chim maw? A thukmi thil cu an chimmi maw? Na hngalh ballomi thil cu an chim maw?
- Kei zong ka nunnak ngeitu le Ka Pa sinah ka au ve i a ka leh... A ka lehmi theih nan duh maw? A ka lehmi cu a pakhatnak ah Hawi law... Ka fa... tihi asi. Na chimmi vialte ka ngeih dih, na chimmi vialte kan tuahpiak dih lai tihi a pahnihnak cu asi! Pathumnak cu a nganmi thil le a thukmi thil le ka hngalh ballomi thil tampi a ka hmuhsak i a ka chimh.. Bawipa ka Pathian min thangthat si ko seh... Zumtu vialte hna sawm kan duhmi hna cu Baibal nih a ti tinak tiang lawng si ti loin Baibal nih a chimmi tu hi na zumhnak in na chungah tling ve ko cang seh... Amen...
—-
JEREMIAH 33:3
"Nan ka auh ahcun kan leh hna lai i a nganmi le a thukmi thil nan hngalh bal lomi hna kha kan chimh hna lai.