Sual ngaihchihnak hi ngaihthiam kan si kan i hngalh tiang kan i ngaihchih awk asi

Sualnak kan tuahciami kan i ngaihchih tikah Bawipa nih kan ngaihthiam a ti tiang kan i ngaihchih awk asi... Sual ngaihchih hi kan tuahmi sualnak ruangah ṭah tiang lawng le sualnak kan tuahmi mertak tiang lawng silo in Bawipa nih na tuahmi sualnak kan ngaihthiam ati tiang kan i ngaihchih hrimhrim awk asi.. Minung dang cungah sualnak kan tuah tikah ka palh, ka ngaithiam law tiin ngaihthiam kan hal hna tikah ngaihthiam kan halmi hna nih kan in ngaihthiam an ti tik lawngah ngaihthiam taktak cu kan si. Ngaihthiam kan halmi hna nih zeihmanh an kan lehlo ahcun ngaihthiam kan si cang ti awk aṭha hrimhrim lo. Minung le minung ngaihthiam kan i hal hmanh ah mah tlukin ngaihthiam kan i hal ahcun Pathian sinah kan tuahciami sualnak ngaihthiam kan hal chinchin ahcun Amah nih pei kan ngaihthiam cang ati tiang ngaihchih in ngaihthiam kan hal awk asi cu ... 

Jesuh Khrih vawlei cung i aum lio i mizawmi(Zawt le damlo hi sualnak nih achuahtermi theitlai asi) nih an rak fuh tik paoh ah adamter hna hlan ah na sualnak kan ngaihthiam cang timi hi achim lengmangmi asi. Zawtnak le damlonak in luatkhawhnak ding ahcun sualnak ngaihthiam hmasa aherh. Nangteh na sualnak Bawipa nih kan ngaihthiam cang an ti bal maw? Kei zong Bawipa nih na sualnak kan ngaithiam cang a ka ti ve. Amen. Bawipa na fuh tikah hin na tuahciami sualnak ngaihthiam dingah maw na fuh? Khamhnak, zungzal nunnak hmuh ding ah dah na fuh? Damnak hmuh duh ah dah na fuh? Zeiti lei kan fuh hmanh ah Bawipa nih kan fuhning cio in a kan cohlanpiak ko lai nain Bawipa kan fuh tikah kan sualnak hmuhbu tein le sualnak kan tuahciami ngaihthiamnak hmu dingin fuh hi aduhbikmi asi lai tiah ka zumh. Jesuh Khrih nih Lamkaltu hna acahtakmi hna cu sual ngaihchihnak le sual ngaihthiamnak Thawngṭha nan chim lai timi hi asi. Sual ngaihchihnak chim fial kan si cu zeidang zeidang ruangah Bawipa hi fuh hmasa loin ngaihthiamnak hmuh duh ah ka fuh hna seh tihi a kan duh caah asi. Ngaihthiamnak tling cu ngaihchihnak tling aherh ve. Sual ngaihthiamnak hmuh aduhmi paoh cu asualnak aihmumi kan si i sualnak aihmumi paoh nih cun sual ngaihchihnak kan ngeii i ngaihchihnak angeimi paohpaoh cu Jesuh Khrih nih kan ngaihthiam hrimhrim hna lai timi lawng hmanh silo in kan sualnak ruangah athimi cu Bawipa Jesuh Khrih hi asi.. Biatak cu kan sualnak ruangah athi ti lawng silo in kan ngaihthiam bak ve cang timi biafang hi Bawipa Jesuh Khrih sin in kan theih ve aherhmi asi..

Lazaruh farnu Mary zong nih Jesuh Khrih arak fuh ah hin a sualnak ngaihthiamnak ahmu khawhnak ding caah arak fuh bak timi alanghtertu cu Jesuh Khrih nih na sualnak ngaihthiam na si cang timi in aleh caah asi.. Amah tein ka sualtuk timi biafang achimlo nain atuahning le athinlung dihlak in Bawipa Jesuh Khrih afuhning azoh tikah Bawipa Jesuh nih ahngalhpimi cu asualnak ngaihthiam duh ah ara timi hi asi.. Sualnak ngaihthiam duh ah arami asi caah asualnak ngaihthiam in alawi ve ko. Biatak cu Khamhnak kan ti lengmang mi zong hi Sual ngaihthiamnak hmuhta loin Khamhnak hi hmuhkhawh asi lo.. Khamhnak taktak hmuhkhawhnak ding ahcun sualngaihchih ahau i sualngaihchih lawng silo in naa ngaihchihmi sualnak cu Bawipa nih kan ngaihthiam an ti ve awk asi. Bawipa nih an ngaihthiam lawnglawng ah ngaihthiam taktakmi le aluat cangmi na si.. Jesuh Khrih sin in pei kan ngaihthiam cang timi biafang na hngalh lai i Jesuh Khrih nih a ka luatter taktak cang timi cu na hngalh lai cu..

Biatak cu sualnak kan tuah ciomi kan i ngaihchihmi hi Bawipa nih kan ngaihthiam cang hna timi aw kan theih bak awk asi. Pathian aw in kan ngaihthiam cang timi aw kan theihlo hmanh ah na tuahciami sualnak ruangah na chiaṭha thleidan lungthin nih maw an phurh hrimhrim awk asi tilo. Sualnak kan tuahciami ruangah maw a kan phurhtu le phuhrunnak lungthin athenhkhotu cu Jesuh Khrih thisen lawng asi. Sualnak ka tuahciami ngaihthiam ka si cang maw ti hngalh na duh ahcun na rak tuahciami sualnak ruangah na thinlung nih mawh an phurh peng rih ahcun ngaihthiam na si rihlo tinak asi... Na thinlung ah mawphurhnak na ngeih rih chung paoh cu Thiang Thlarau nih an tong kho hrimhrim lai. Phuhrun cu sualnak kan tuahmi nih achuahtermi theitlai asi.  Sualnak kan tuahmi le Ṭhatlonak kan tuahmi nih achuahtermi theitlai cu phuhrunnak le mawhphurhnak hi asi. Sualnak na tuahmi vialte hi Bawipa nih kan ngaihthiam cang an ti tiang ngaihthiam na hal hrimhrim awk asi. Thawngṭha kan chimmi hi kan daithlang tuk caah ngaihthiam kan si le silo hmanh aitheihlomi tampi kan miphun ah hin an um... Ngaihthiam na si cang le si canglo hmanh naa theihlo ahcun Khamhnak taktak na hmuh le hmuhlo cu na hngal bal lai lo.. Bawipa sin in kan ngaihthiam cang timi aw na theih ahcun Khamhnak ka hmu cang tihi biatak asi.. Na sualnak hmanh Bawipa nih kan ngaihthiam cang an ti rihlo ahcun Khamhnak cu ngaihthiam cangmi hna kan ta asi.. 
 Luka 7:48
Cun Jesuh nih minu cu a thawh i, “Na sualnak cu ngaihthiam na si,” tiah a ti.