Thlarau rawl cawmtu maw na si? cawmmi dah na si rih?

Jesuh Khrih thihnak in athawh hnu, zultu sin i voithumnak ailangh ah Peter ahalmi bia asi. Jesuh Khrih na zumh hnu ah na sinah voikhat tal ailangh bal ve maw? Ailangh ahcun zei bia dah an chimh ve i zeidah an fial ve? Jesuh Khrih nih Peter bia ahal le rian afial hi athih hlan ah silo in thihnak in athawh ṭhan hnu ah asi. Biatak cu Jesuh Khrih na zumh taktak i thlacamnak he na hngah peng ko ahcun an ton ve hrimhrim ko lai..

Jesuh Khrih nih Peter aduhpiakmi cu amah le amah thazang lak lawng silo in tuufa cawm, tuu cawm le tuu zohkhenh hi asi. Tuufa cawm, tuu dang cawm, tuu zohkhenhnak ding ahcun an cawmmi hna tuu le an zohkhenhmi hna tuu hnak in an ṭhawng deuh awk le thlarau in an rum deuh awk asi..

Nihin Pathian fa aitimi hna cu midang cawm chimlo kanmah le kanmah hmanh kan i cawm kho lo.. Tuufa zong na si ko lai nain na ṭhan ve cang awk asi.. Tuu cawm haumi na si zongah na ṭhang ve i tuu dang cawmtu na si ve awk asi.. Zohkhenh ahaumi tuu zong na rak si ko lai nain na ṭhang ve i tuu dang zohkhenhtu na si ve cang awk asi.. Bawipa Jesuh Khrih nih a kan duhpiakmi cu cawmtu le zohkhenhtu si tiang hi asi nain cawmtu le zohkhenhtu kan sikhawhnak ding ahcun Thiang Thlarau he thlacamnak in nifa hawikomhnak kan ngeih zungzal aherh. Nifate Cathiang rel aherh tlukin nifate Thiang Thlarau he thlacam hngahnak in hawikomhnak ngeih hi aherh chinchin... Cawmtu le zohkhenhtu sikhawhnak ding ahcun mah le mah aa cawmkhomi le aa zohkhenh khomi kan si hmasa aherh.....

Tulio Covid-19 Biakinn khar lio ah hin pei Pathian fale taktak cu kan rum chinchin awk asi cu... Zarhpini pumhlo atam ruangah hin pei Thlarau in na rum chinchin awk asi cu.. Zarhpini pumh hi aṭha tuk nain pumh lai timhtuah kan tinak ah Bawipa he hawikomh caan hmanh ka ngei kho tawn lo... Nidang ahcun ka thawh tlawmpal in Thiang Thlarau nih thlacam duhnak a van ka pek i thlacamnak chungah ka luh cu a va nuam hringhran dah.. Vawlei cungah anuamcemmi cu Thiang Thlarau he umṭi le thlacamnak in hawikomhnak ngeih hi asi... Minung vialte hmaiah fekte in na dir khawhnak ding ahcun Nangmah le Thiang Thlarau hawikomhnak in caan nan hmang lengmangnak in asi lai.. Mipi he pumhṭi le thlacamṭi aṭha nain hmual angeihmi atlawm tuk.. Fek tein le ṭhawng zungzal in an dirpi khotu taktak cu Thiang Thlarau he hawikomhnak chung i nun le caan hmang lengmangnak hin asi...

Nai i puai ka kalnak ah rawlulh thlacamnak in ka hawinu he kan i tong. A chimmi bia nih khua tampi a ka ruahter... Covid-19 ruangah kan i pumhlonak asautuk i acar bak in kan car ko tiah a ka ti. Ka timi cu kannih Pathian fale hi cu mah bantukin pumhlo in caan saupi kan um chungah hin pei kan i kilh awk le Thiang Thlarau he hawikomhnak in kan rum chinchin awk le kan hninghno chinchin awk asi cu tiah ka ti... Mipi he canhmang ṭinak nih hin Thlarau in puitling sinak ahringlo... Thlarau in puitling sinak cu Thiang Thlarau he hawikomhnak ngeih lengmangnak lawngin asi....

Thlarau rawl in cawmmi na si rih ah siseh zohkhenh haumi na si rih ah siseh apoilo, Biatak cu kanmah sining aihngalhmi si hi asi. Mah sining hngalhnak nih damnak le ṭhannak a kan pek lai... Bawipa Jesuh Khrih nih a kan duhpiakmi cu cawmtu le zohkhenhtu si tiang hi asi nain cawmtu le zohkhenhtu kan sikhawhnak ding ahcun Thiang Thlarau he thlacamnak in nifa hawikomhnak kan ngeih zungzal aherh. Nifate Cathiang rel aherh tlukin Thiang Thlarau he nifate thlacamnak in hawikomhnak ngeih hi aherh chinchin... Cawmtu le zohkhenhtu sikhawhnak ding ahcun mah le mah aa cawmkhomi le aa zohkhenh khomi kan si hmasa aherh.....

1. Ka tuufa tete cawm hna (Feed my lambs)...

2. Ka tuu kha cawm hna (Feed my sheep)...

3. Ka tuu kha zohkhenh hna (Take care of my sheep)....

Johan 21:15

Rawl an ei dih hnuah Jesuh nih Simon Peter cu a thawh i, “Johan fapa Simon, hi hna nih an ka dawtnak hin nang nih na ka daw deuh maw?” tiah a ti. “Asi, Bawipa, kan dawt kha na hngalh,” tiah a leh. Jesuh nih, “Ka tuufa tete kha cawm hna,” tiah a ti. 16Jesuh nih cun a thawh ṭhan i, “Johan fapa Simon, na ka daw maw?” tiah a ti ṭhan. “Asi, Bawipa, kan dawt cu na hngalh,” tiah a leh. Jesuh nih, “Ka tuu kha cawm hna,” tiah a ti. 17Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.