Nihin zumtu hna le cawnpiktu vialte nih kan ngeihmi thinlungput taktak hi zei cemdah asi hnga? Atu i ka van ṭialmi hi Bawipa Jesuh Khrih le Athlahtu Pathian nih an ngeihmi thinlungput taktak cu asi i Bawipa Jesuh Khrih a zum i a ngeimi vialte zong nih kan ngeih ve hrimhrim awk asi. Kan ngeih ve hrimhrim awk asi timi zong in zuanhnawh loin Jesuh Khrih kan chung aum ve bak ruangah Amah bantukin Amah nih a kan pekmi thinlungput he kan ngeihmi thinlung tuin arian kan ṭuan ding asi. Jesuh Khrih nih a ngeihmi thinlungput asi caah Amah bantuk tein kan tuah lai i Amah thinlungput bantukin kan ngei ve lai timi zongin zuanhnawh loin Jesuh Khrih nih a kan pek taktakmi ruangah le kan ngeih ve taktak mi thinlungput tu he chunglei Thiang Thlarau nih biatak tein chimhnak le hruainak tuin kan zuanhnawh awk asi. Catlak cung ṭialmi in le mi nih an chim timi in zuanhnawh loin Bawipa Thlarau hrimhrim nih a kan hmuhsaknak le hruainak in kan zuanhnawh bak awk asi... Thiang Thlarau hruainak le lamhmuhsaknak in ka timi zongah hin fiang taktak in hngalhnak he zulhdawi ding khi ka chimduhmi asi. Thiang Thlarau cu Thiang Thlarau asi ko caah fiang tein kan hngalh tiang a kan cawnpiaktu le chimtu hrimhrim asi ko. Amen!
Jesuh Khrih le kan Pathian nih an ngeih zungzal peng taktakmi thinlungput cu hihi asi: Atlaumi tuu pakhat hmuh hlan tiang kawl rih peng hi asi zungzal rih ko. Amen. Atlaulomi tuu 99 zohkhenh lawng hi si loin atlaubakmi tuu 1 te hmuhhlan tiang kawl hi aithim zungzalmi an si. Tuu 99 kaltak in tuu 1 hmuhhlan tiang kawl ah aithawhmi cu kan Pathian le Bawipa Jesuh Khrih hi an si. Nang le keita mi zeibantukdah kan kawl? A tlaumi maw kan kawl? A tlaulomi dah? Atlaulomi Tuu 99 maw kan kawl rih lai i kan zohkhenh hna rih lai? Atlaulomi tuu 99 zohkhenh zong hi kan rian asi ve ko nain chim ka duhbakmi cu atlaulomi tuu na si ko ahcun vawlei dongh tiang le Bawipa sin na phak hlan tiang na tlau bal lai lo tihi asi. Biatak cu biatak in an hruaitu Thiang Thlarau na chungah aum lawng hmanh si loin Amah hrimhrim nih an hruai bak lai caah na tlaubal ti lai lo ka tinak asi. Kan Pathian Amin thangthat si ko seh. Amen! Tlauding le tlauloding i kan buai lengmang mi cu Tuutlau le Tuutlaulo kan si hi kan i hngalh ngaingai lo caah asi. Tuutlau cu hmuh asi ahcun hmuh asi zungzal ko lai i hmuhcia asimi zong an tlau balti lai lo. Amen! Duhpaoh kan nun zongah maw kan tlau lailo timi hna kan um zongah ka chimduh rihmi cu hmuhcangmi Tuu nih cun duhpaoh cun a nung bal ti fawn lai lo tihi asi i duhpaoh in na nun ko rih ahcun Tuutlau na si rih caah asi ko. Amen!
Atlaulomi tuu 99 kaltakin Atlaumi tuu 1 te dah na hmuh hlantiang a kawlmi na si ve cang lai? Hika zawn zongah hin fiallo cun i thaw ve duh hlei hlah, na hmu bal lai lo i harnak na phanhnak tu asi sual lai.. Bawipa nih hin Amah a rianṭuantu dingah fialmi le kawhmi, thimmi kan um zungzal ko timi zong hi hngal chih hna usih.. Hiti ka ṭial tikah hin kei cu san ka tlailo ti zong in I ruat fawn duh hlah, Bawipa he pehnak kan ngeih hnu ah rian kan ngei cio dih i tuutlau kawlnak ah aherh ningin Bawipa nih hman cio mi kan si i Amah sunparnak caah asi zungzal ko. Fianter kan duhmi tu cu na rian kha i hngalh law ti kha ka chim duhmi tu asi. Bawipa lohma chungah zei rian dah ka ngeih ve ti na hngalh hlan chung paoh cu Pathian duhpiakmi le fialmi rian cu na kheng kho ngaingai bal lai lo. Tuutlaumi dawtnak thinlung zong hi minung nih kan ngeihmi thinlung le dawtnak kan ngeihmi nih a zatmi asi lo i Bawi Jesuh Khrih lawnglawng nih a kan pek khawhmi le chiahpiak khawhmi dawtnak thinlungput le zawruahnak thinlungput tu an si. Mikip nih kan ngeihmi thinlungput taktak nih a phak khawhmi zawnruahnak le dawtnak thinlungput an si lo i Bawipa Jesuh Khrih le Pa Pathian sin lawngin a luang khomi zawnruahnak le dawtnak thinlungput an si i kanmah zong nih Anmah sin lawnglawng in kan hmuhkhawhmi le ngeihkhawhmi thinlungput an si tihi fakpi in chimchih ka duh.. Mah ti ka chim lengmang mi zong hi Tuutlau zawnruahnak angei ngaimi kan lo lengmang nain kan ngeih taktak lo caah ka ṭialmi asi. Tuutlau zawnruahnak angei taktakmi cu kan Pathian le Fapa Jesuh Khrih lawng an si i Bawipa kan Pathian nih chunglei in a kawh ve taktakmi hna le Thiang Thlarau in chiti a thuh ve mi hna lawng nih kan ngeih khawhmi an si taktak ve tihi fianter chih ka duhmi asi..
Nihin Pathian le Fapa Jesuh Khrih nih a Thawngṭha chim awkah a kawhmi vialte kan dihlak nih hin tuutlau pakhat hmuhhlanlo kawl maw kan i thim hnga? Tuutlaulomi 99 zohkhen dah kan i thim rih hnga? Jesuh Khrih cu Pathian nih minung vialte khamhtu le atlaumi vialte kawl dingah arun thlahmi asi caah Pa duhnak le fial ningin a nunnak pek tiangin ttutlau a kan dawtnak le kawlnak in a kan hmuh tiang a langhter. Amen! Nang tuutlau kawl dingah fialmi le kawhmi na si ko ahcun zeitindah atlaulomi tuu 99 zohkhenh ah naazat rih peng ne? Bawipa nih hin tuutlau hmuhtiang kawl ve dingah pei khamh le nunnak pek kan si ve cu... Ahleiin Khrihfabu vialte thinlung zong nih hin tuutlau hmuhtiang kawl hi maw an i timhcem hnga? Atlaulomi zohkhen hi dah asi rih ko hnga? Nihin Khrihfabu tampi cu kan hna angam tuk ne hi teh? Tuutlau hmuhtiang kawl cu chimlo, tuutlau a kawlmi hmanh hmunhma pek kan timh ti ṭung ne hna lo. Biatak cu Jesuh Khrih bak hi Tuukhal cu asi i atlaulomi tuu 99 kal takin tuu 1 hmuhtiang kawl aithawhmi Tuukhalṭha cu Jesuh Khrih lawng hi asi. Tuutlau hi ram hlapi lawngah aummi si loin nangmah kam teah aummi an si ve ko i na innchungkhar chungah an um ko lai, nan Khrihfabu chung zongah an um ko lai. Tuutlau hi biatak tein hmuhtiang na kawl ve cang lai lo maw? Jesuh Khrih le Pa Pathian thinlung cu atlaumi tuu pakhat hmuh hlan tiang kawl hi asi zungzal. Nangta atlaumi tuu pakhat te hmuhtiang kawl hi na thinlung nih a duhbikmi asi ve cang lai lo maw?
Jesuh Khrih le Pa Pathian nih thlahmi na si ko ahcun Anmah thinlungput bantuk cu na ngei hrimhrim ko lai. Ngeihlo awk a ṭhalomi cu Atlaumi tuu kawl le hmuh tiang kawl hi asi. Pa Pathian le Bawipa Jesuh Khrih thinlung cu atlaumi tuu hmuhtiang kawl hi nihin ni tiang asi zungzal i vawlei dongh tiang a si peng ko lai. Amen! Tuutlau kawl lawng si loin an kan hmuh tiang hrimhrim a kan kawltu hna cu Pa Pathian le Bawipa Jesuh Khrih hi an si zungzal peng ko. Amen! Atlaumi tuu kawl ka ti lengmang mi ah hin kanmah umnak hmun le Khrihfabu ah an tampi ko mi hi hmu hna sihlaw hmuhtiang kawl hram i thok hna usih ti ka duh caah asi. Kan Khrihfabu ah dawh biakinn a phan ti lomi tamtuk kan si cang hih, kan Khrihfabu ah dawh a lungre a theimi, a ngeih achiami, bawmh a haumi, thlacampi a haumi, Thawngṭha chimh a haumi tampi kan um ko hih. Kan Khrihfabu ah dawh tuutlau tampi kan um ko hih, tihi nawlhchih lengmang in chim ka duh.. Zumtu hman le Bawipa nih kawhauhmi na si ko ahcun Tuutlau pakhat te hmuhtiang kawl hi na lung atho tuk lai i naa thim zungzalmi asi ko lai.
Atlaulomi 99 kaltakin tuutlau 1 hmuhtiang kawl hi na thinlung ummi asi zungzal ko ahcun vawlei na nun chungah Pathian rianṭuan ding hi na dong bal lai lo. Aruang cu Pathian lohma hi ṭuan an cudih ko cang hna.. Biatak cu Bawipa nih tuutlau a kawl tikah hin a kan hmuh hlanlo tiang a kan kawl.. Bawipa min thangṭhat si ko seh. Tuutlau kawl aithawhmi zong nih kan hmuh hna hlangtiang lungdong loin Bawipa i bochan in kan hmuh hna hlan tiang kawl ko hna usih. Biatak cu ngeihchih a haulomi 99 hnakin misual aa ngaihchihmi minung 1 ruangah vancungkhua ah lawmhnak tampi aum. Amen!
Khrihfabupi thinlung taktak ah hin tuutlaumi minung pakhat te hmuhtiang kawl hi Bawipa nih kan thinlung ah kan chiahpiak sehlaw Pastors le Thawngṭha chimtu vialte thinlung zongah hin atlaumi tuu pakhat hmuhtiang kawlduhnak hi fakpi in kan thinlung chungah kan chiahpiak ve ko seh. Tuutlaumi pakhat te hmuhtiang kawlduhnak thinlung hi kan miphun nih aherh taktakmi asi. Pathian rianṭuantu le thawngṭha chimtu vialte kan thinlung ahhin zeidang zeidang kawlduhnak um bak ti loin tuutlaumi minung pakhat te hmuhtiang kawl duhnak hi kan zuanhnawh bikmi si cang ko seh.
Pathian nih kawhauhmi le a rianṭuantu pakhat na si ko ahcun Pathian nih an cawm hrimhrim lai i mualpho cun an chia naisai lai lo, Pathian chim loin na rianṭuannak company hmanh nih lahkhah an in pek khawh i an in cawm khawh ko ahcun kan Pathian chinchin nih cun van le vawlei vialte le a chung ummi zeizong vialte hi Amah ta kan si dih ko ee. Na zumh taktak ahcun na nung hrimhrim ko lai bantukin a rian na ṭuannak ah na herhmi vialte zong nangmah tein ka bawm ko ulaw ti chim haulo in Bawipa nih an cawm hrimhrim ko lai. Cucaah cun zeidang zeidang hnakin Jesuh Khrih le Pathian nih an ngeihmi tuutlau pakhat hmuhhlan tiang kawl duh pengnak an ngeihmi thinlung hi na thinlung chungah Bawipa nih fakpiin inchiahpiak ve ko cang seh. Tuutlaumi hna kawlnak ah hin rian kan ngei dih, chimnak leiin rian angeimi kan um bantukin tuah ṭuannak, pekchanhnak le misifak bawmhnak tibantuk in rian kan ngei dih cio. Biapibikmi cu nangmah na rian te kha hngalh rak izuam ve ko tiah kan sawm. Bawipa Jesuh Khrih thawngin kan Pa asi vemi kan Pathian Amin thangṭhat si ko seh. Amen. Amen. Amen.
Jesuh Khrih le Pa Pathian thinlung cu tuutlau pakhat te kha hmuhhlan tiang kawl hi asi zungzal rih ko. Nang le keita zeidah kan thinlung nih kawl ai timhcemmi asi hnga? Tuutlau pakhat te hmuhhlan tiang kawl hi asi ve cang lai lo maw? Na Khrihfabu le na miphun ah tuutlaumi tampi kan um ko e tiah au thawng athang........
—-
LUKA 15:3
Cucaah cun Jesuh nih hi tahchunhnak bia hi a chimh hna:
LUKA 15:4
"A biana ah pakhatkhat nih tuu za khat hei ngei u law pakhat va tlau seh law, cu tikah zeitindah nan tuah lai? Tuu sawm kua le pakua kha an tlonnak hmun ah cun kaltak in a tlaumi cu a hmuh hlan loin a kawl lai lo maw?
LUKA 15:7
Cu bantuk ṭhiamṭhiam in, ngaihchih a herh lomi miding sawm kua le pakua hna nakin aa ngaichihmi misual pakhat ruangah vancung khua ah lunglawmhnak tam deuh a um lai," tiah a ti.