Nikhat cu Baibal ka rel i a tang i ka van langhtermi Baibal hin Pathian nih a ka chawnh bak tiah ka zumh i ka nun ah um kholo in mah Pathian bia hi ka rak ttial. Rak rel ve law na Pathian nih zei an tinak kong hi van ka hrawmh ve tuah. Ka Pathian, mah na bia nih hin ka nun ah tthawnnak nganpi a ka pek i ruahchannak thar a ka pek tthan. Zeitlukin dah na ka dawt kha a ka hmuhter chin i na rak ka thim cianak na chim tthanmi bia nih hin voi tampi lawmhnak le ruahchannak in raltthatnak an ka phurh tthan. Ka Pa, Bawipa ka Pathian nih a ka timi cu hitihin asi:
- Ka Pa ka Pathian nih Van hramdeng Khuafo khua in Chicago khua ah kan ratpi a ka ti.
- Ka Pa ka Pathian nih vawlei cung khua hmebik khuafo khua in kan kawh tiah a ka ti.
- Ka Pa ka Pathian nih Nangmah cu ka sal na si tiah a ka ti.
- Ka Pa ka Pathian nih kan hlaw ballo tiah a ka ti.
- Ka Pa ka Pathian nih Athim in kan thim lehlam tiah a ka ti.
- Ka Pa ka Pathian nih na thin phang hlah tiah a ka ti.
- Ka Pa ka Pathian nih na sinah ka um ko tiah a ka ti.
- Ka Pa Pathian nih Keimah cu na Pathian ka si tiah a ka ti.
- Ka Pa ka Pathian nih zeihmanh ttihhlah tiah a ka ti.
- Ka Pa ka Pathian nih kan tthawnter lai tiah a ka ti.
- Ka Pa ka Pathian nih kan bawmh lai tiah a ti.
- Ka Pa ka Pathian nih kan huhphenh lai tiah a ka ti.
- Ka Pa ka Pathian nih kan khamh lai tiah a ka ti.
- Nangteh na Pa na Pathian nih zei an ti ve dah?
—-
ISAIAH 41:9
Vanhramdeng khin kan ratpi; vawlei cung a hlatnak bik hmun in kan kawh i, 'Nang cu ka sal na si,' kan ti. Kan hlaw lo, a thim in kan thim lehlam.
ISAIAH 41:10
Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.