Bread of Life

Lorem ipsum dolor sit amet, consectetur adipiscing elit ellentesque at neque ac sem pretium.
  • Mah le mah teikhawhnak cu jesuh kan chung umnak hin asi!

    Dawtnak kan ti lengmang mi hi Pathian sin in arami asi i minung nih ser chawmmi le tuah chawmmi asi hrimhrim lo. Cu dawtnak ruangah cun a Fapa kha kan sual ngaihthiamnak caah kan sinah arun thlah hi asi. Amen! Kan nih zumtu hna nih Patian kan dawt, kan duh, kan tlaihchan kan ti lengmang mi hna hi kan mah nih Pathian kan dawt hmasa mi si loin amah nih a kan dawtnak cu alanghter hnu lawnglawng ah kan dawt khawh ve nak le kan duh, tlaihchannak khawhnak cu asi. Khrih sin in adawtnak tling khitkhet tein alanghter bu hmanh ah hin Pathian duh ning in adawt zia kan thiam kho hrimhrim rih lo.

    Read More
  • Hmasa na ka dawt bantukin na ka daw ti lo?

    Nunnak petu thawngtha in Pathian bia ka rak in hrawmh tthan hna. Reltu nan dihlak cungah Bawipa nih athar in Thlarau damnak in pe hna sehlaw taksa damnak le thinlung damnak in lawmhnak zong in chapchih ko hna seh. Amen.

    Read More
  • Thlarau mitcaw ka si ti hngalhnak i theitlai

    Jesuh vawlei a rat chanh cu kalnak lam a hmu kho bak lomi  bawmh a herh ko nain bawmtu a ngeilomi Keimah bantuk hna caah hin asi. Jesuh nih a duhbikmi cu sining tein chim hi asi i hmuhmi kha hmuh ti i hmuh lomi cu ka hmu lo e ti hi a duhmi asi. Mitcawpa nih a mit cawt ai hngalh bantukin a dam i khua a hmuh taktak cang zong kha al awk tthalo in a hngalh ve. Amen! Khua a hmu ngai lawh ttung i hor ah a tla ding tampi an um. Sihmanhsehlaw Thlarau ah mit dei ttunglo i ka dei ko a timi hna caah Jesuh a ra lo i Thlarau mitcaw asi aa hngalmi bawmh ding tuah ara. Amen!

    Read More
  • Tlik zuamnak ah a dongh tiang hrimhrim ka tli lai

    Ni nih a liam tuan i zarhkhat hi a za in kaa za hrim lo, zarh a liam a tuan i thla zong cu luklak lo ah an dih cuahmah. Sihmanhsehlaw ka thinlung vialte le ka duhnak a theitu ka Bawipa cu thangtthat si ko seh. Si kho sehlaw ka caan vialte hi hmangin Bawipa he umtti ka duh ko, ka duh ko ti lawng hmanh si loin ka duh taktak khi asi. Bawipa nih siseh ti a ka duhmi hi ka si sual lai lo ti ka phang caah ka Bawipa hmaiah ka kun lengmang. Ka Bawipa hmai ka kunnak lawng si loin ka Bawipa hrimhrim nih fim a ka chimh caah siseh ti a duhmi rian cu ka lim khawh hrimhrim lai.

    Read More
  • Harnak caan ah zeidah na tuah awk asi

    Harnak caan ah Bawipa naa bochan ahcun Amah cu na caah afekmi himnak asi lai! Pathian nih ka chanh seh ti na duh ahcun Amah nih an zohkhenh lai. Halleluijah. Amen! Minung poah nih lawmhnak siseh har caan siseh Pathian kan herh zungzal. Sihmanhsehlaw Pathian loin kan nun khawh lo le kan herh zungzal ti a hngal taktakmi bal tlawmte lawng kan si.

    Read More
  • Bawipa ttih hi chansaunak asi

    Minung vialte nih hin nun khuasau cu kan duh dih cio hna. Amah belte cu zeitindah kan nun khua a sau lai timi bel kan ruat tuk lo.. Nun khausau na duh taktak ahcun mah hi rak zum ve law rak i nunpi ve.

    Read More
  • Leiba zeizat dah champiak na si na hngal maw?

    Bawipa zangfahnak thawngin nihin ka sining le ka dirhmun ka phanh khawhmi hi asi. Atu i ka umnak khua le hmunhma zong hi Bawipa thawng lawng tein ka um khawhmi le phak khawhmi asi ko tihi biatak tein tehte ka khan. Nai hrawng khua ka ruahmi ah le ka thinlung ah fak ngaiin rian a ttuanmi cu hihi asi: Kan miphun hi harsat ruangah Mizoram, Malaysia, Kuam, Ramthumnak tiin kakip ah tthek in pawcawmnak ah kan vai cio hna. Bawipa caah si loin kan pawcawnnak caah hmunkip ah kan vak hna. Hi kan vakvai lio i tuanbia kan ttial ciomi ka zoh tikah ka lung a fakmi le ka ngaih achiami tampi a um.

    Read More
  • Harnak in hneksak na si cu

    Thatlonak tuah awk i kan i mernak hnga lo i ralring dingah harnak in hneksak kan si. Harnak in hneksak na si tikah thatlonak na tuahnak hnga lo i ralring tuah! Thatlonak na tuahnak hnga lo caah harnak in hneksak na si.. Harnak in hneksak na si tikah zumhnak in na tei a hau, zumhnak in na tei tikah inkhawhnak na ngei, inkhawhnak na ngeih tikah ziaza ttha an pek, ziaza ttha nih cun ruahchannak an pek ve, ruahchannak na ngeihmi nih cun zeitik hmanh ah an deuh lai lo... Bawipa nih bia a kan kamhmi hi kan caah a ttha bik le a kan deuh ballomi biakamnak an si zungzal..

    Read More
  • Chimh hrinnak le hneksaknak na inmi ruangah midang luatnak asi kho men

    Jonah sual ruangah an tonmi thlichia hrannak cu Jonah an hlawnh tik i thlichia a deih tikah zumlotu hna nih cun a nungmi Pathian le biaktlak Pathian hi hodah asi ti kha an hngalh i Pathian cu an ttih. Amen! Kan Pathian cu an Pathian ah an ser ve i raithawinak pek in biakamnak kha an ser. Amen! Chim duhmi cu Jonah chimh hrinnak le dantatnak hlah maw asi tiah ruahmi zong hi Jonah ca lawng si loin Jonah kam i a ummi vialte nih zungzal nunnak an hmuhnak ca tu ah a rak si ai. Amen!

    Read More
  • Khuaruahhar tuah khotu pathian sinak langhter a duh

    Bawipa Pathian nih Israel mi hna ramcar chung i a rak hruai hna tikah hin a rak i tinh bikmi cu khuaruahhar thil tikhotu Pathian asi nak langhter hi a rak si. Sihmanhsehlaw a chuahpimi hna Israel mi nih cun an rak i hngatchan ngam hrimhrim lo. Ti a um lo tikah Izypt ram an ngai tthan i Izypt ram nih zeidah a rak pek hna kha an chim tthan lengmang. Ti um lonak Ramcar chung i nithum an kal hnu ah cerhkha a umnak hmun kha a phan i ti cu a khaat caah an ding kho lo. Cu tikah Moses cu an zai hnawh i zeidah kan din lai? tiah an ti.

    Read More
  • Pathian ttihzah in nun awkah kan herhmi thil vialte pek kan si

    Thlarau in ka unau taktak asimi sinah Pathian sunparnak le tthatnak hrawm ve dingah a kan kotu hi Amah Pathian hrimhrim asi ti hi hngalhter tthan kan duh ko. Zumtu vialte hi Pathian tthatnak le sunparnak hrawmh awkah kawh auh kan si tihi nawlhtthan ka duh. Amen. A sunglawi tukmi Pathian tthatnak le sunparnak hrawmh dingah kawh kan si timi hi van ruat ve law kan i phutnak zei hmanh a um lo tihi na van hngalh ve ko lai dah. Cucaah kan nunnak dihlak in Pathian kan thangthat ding le kan lawmh bak ding asi. Amen! Ka Pathian cu Amin thangtthat si ko seh. Amen!

    Read More
  • Pathian nih na ka auh ahcun kan leh lai tiah ati

    Zumtu vialte hi Pathian nih kamh kan simi cu nan ka auh ahcun kan leh bak hna lai tiah a kan ti cio nain... Nangta kan Pathian na auh tikah an let ve maw? tihi hal kan duhmi asi. Nihkat cu Bawipa zangfahnak thawngin Vision pakhat chungah ka um i ka pawngkam ka zoh tikah a mui dih, khuazei ah dah ka kal lai timi hi ka theih hrimhrim lo. Cu lio ahcun ka lungthin dihlak tein ka zumhmi cu Pa pei ka ngeih kha bawmhnak hal tuah ning ka ti. Pathian ka Pa cu bawmhnak hal ding in ka au. Ka aumi zong tampi khi ka au loh, Ka aumi cu ka Pa timi te hi asi.

    Read More
  • Pathian he hawikomnak na ngei bal maw?

    Minung vialte hi Pathian he Jesuh Khrih thawngin aipeh ding le hawikomhnak ngei ding in sermi le khamhmi kan si dih. Cucaah cun Pathian kan Pa le Bawipa Jesuh he hawikomhnak in Thiang Thlarau he umttinak cu zumlotu caah si loin zumtu ca, khamhnak a hmu cangmi caah asi.

    Read More
  • Pathian na chungah rian a ttuan na thei ve maw?

    Pathian Bia hi kan rel deuhdeuh i ka duh deuhdeuh, kan ruah deuhdeuh ah hin a tthawng chinchin i a thaw chin lengmang. Minung kan si caah tlamtlin lonak tampi a ngeimi le chambaunak tampi a ngei ciomi kan si. Cu chambaunak le tlamtlin lonak kan ngeihmi hna ruangah hin Pathian nih kan nun chung vialte nan ttuan lai tiah rian a kan pekmi hi kan lim kho sual lai lo ti cu kan phang cio lai dah. Ahleiin Pathian nih Amah rianttuan dingah a kawhmi hna kan caah hin asi khun.

    Read More
  • Pathian tinhmi ka lim tiang, a dongh tiang hrimhrim ka tli lai

    Zumhnak in ka unau taktak asimi, nangmah sin hrimhrim ah thazang peknak le forhnak ca ka van ttial. Ka ttialmi hi tawite asi ko caah a dongh tiang na rel lawng si loin a hodah ka si ti hngalh bu tein na rak relnak lai kan nawl ko. Vawlei asi caah kan hmai i a ummi thil tampi nih na lung in pialter hlah seh, tuah na duhmi tampi an um ko hmanh ah na chungah a nungmi Thiang Thlarau chimnak le fialnak tuin zeizong vialte hi tuah si ko seh.. Nihin tiang hrimhrim hi zeicem dah na tuah le zei na tuah ah dah na di a riam bik. Rawlulh thla na cam lio bantukin Cathiang nih an thawt rih maw?

    Read More
  • Ka thlarau nih bawipa an ngai

    Maw Bawipa, ka nunnak nih an ngai, an ngai taktak si.
    Maw Bawipa, ka thlarau nih an hlam, an hlam hringhrang.
    Sazuk nih rial ti dai a ngaih bantukin maw Pathian nangmah cu kan ngai.
    Sazuk nih rial ti dai a dinnak hmun te hi ti dai a ngaih caan paoh ah a fuh lengmang.
    Maw Bawipa, Nangmah kan ngaih zungzal caah Na sinah le Na hmaika hrim ah ka ra zungzal.
    Maw Bawipa, ka ngai taktak ee, ka ti ahal tuk i ka dar a car dih.
    Maw Bawipa, Nangmah lo cun ka nung kho lai ka zum lo.

    Read More